எறும்பேறாத உப்பு ஜாடிகள்

விளையாடத் கேட்கும் மடிகள்


உப்புமூட்டை தொங்கத் தோன்றும் தோள்கள் ....

ஸ்பரிசமற்று முதிர்வதை தீர்க்க வருகிறார்கள்

தங்கைக் குழந்தைகளோ, பேருந்தில்

உறங்கி சாயும் பெயர் அறியாப் பெண்ணோ....



தாமதமான ஈர நாட்களில்

நுரைப்பஞ்சு பெற்றுத் திரும்புகையில்

மருந்தகத்து பெண் சிரித்து வைக்காதிருக்க

பிரார்த்தித்து தொலைக்கிறது மனசு



அம்மா மாத்திரைகளை தவிர்க்காதே

பிதாவே பின்னிரவில் விசும்பாதிரும்



யார் இடம் மாற்றி வைப்பது

எறும்பேறாத உப்பு ஜாடிகளை